ВИДЕО | Девојче од Турција го преживеало земјотресот, па паднало во замрзнато езеро бркајќи плишано мече
Осумгодишно девојче од Турција кое го преживеа катастрофалниот земјотрес, морало да биде повторно спасувано кога паднало во замрзнатата вода на езеро во градот Малатија, јавија светските медиуми
Турската полиција објави снимка од спасувањето на девојчето. Тоа завршило во езерото кога се обидело да го земе плишано мече што паднало во водата.
На видеото се гледа како полицаецот го извлекува девојчето од водата, додека членовите на неговото семејство нестрпливо чекаат на брегот. Девојчето подоцна добило ново плишано мече, како замена за играчката која можеше да го чини живот.
An 8-year-old girl who survived the Turkey earthquake was rescued from an icy pond and given a new teddy bear after falling in when she tried to retrieve a lost toy pic.twitter.com/GCwrVD6YAb
— Reuters (@Reuters) February 21, 2023
„Нашата нуркачка полиција спаси осумгодишно дете кое падна во замрзнато езерце додека се обидуваше да си ја земе играчката“, напиша турската полиција на Твитер.
