Демар Дерозан се врати на паркетите по двонеделната пауза поради корона протоколите и веднаш го растури ЛА Лејкерс. Дерозан во победата на Чикаго булс од 115:110 над ЛА Лејкерс постигна 38 поени, а голема помош имаше во Никола Вучевиќ кој имаше дабл-дабл од 19 поени и 13 скокови како и од Лонзо Бол кој на својот поранешен тим му даде 19 поени.

Сепак, Дерозан беше главна ѕвезда, тој при водство на Лејкерси од 109:110 во последната минута, постигна четири поени по ред и му донесе победа на својот тим.
Кај Лејкерси, најдобар беше Леброн Џејмс со 31 поен, Кармело Ентони даде 21, а Расел Вестбрук 20 поени.

Далас маверикс не може да победи без Лука Дончиќ, а во поразот од 111:105 од Минесота, може да одреден период да остане и без втората ѕвезда, Кристапс Порзингис кој заработи повреда на скочниот зглоб.

Најдобар кај Минесота беше Карл Ентони Таунс со 24 поени, додека Деанџело Расел додаде 22 поени. Кај Далас кој натпреварот го загуби во третата четвртина (25:17), Тим Хардавеј јуниор постигна 28 поени.

Портланд предводен од Демиен Лилард го совлада Мемфис со 105:100. Лилард беше најпрецизен со 32 постигнати поени, а одличен беше и Норман Паувел со 28 поени.

Резултати:
Детроит – Мајами 100:90
Мемфис – Портланд 100: 105
Сакраменто – Сан Антонио 121:114
Чикаго – ЛА Лејкерс 115:110
Минесота – Далас 111: 105
Феникс – Шарлот 137: 106