Српскиот кошаркар Никола Јокиќ имаше нова маестрална вечер во НБА лигата, откако во четвртиот натпревар од почетокот на сезоната Денвер по четврти пат доведе до победа и со нов „трипл-дабл“ учинок.

Нагетси ја совладаа Јута со резултат 110:102 (31:21, 27:24, 22:24, 30:33) и ја продолжија победничката серија.

Јокиќ за 35 минути на паркетот запиша 27 поени, 10 скокови и 11 асистенции, како и две блокади. Погоди 12 од 16 од поле, а реализирше и две од пет слободни фрлања.

Иако кошаркарите на Јута одиграа подобро во вториот дел, Нагетс не им дозволија да се вратат во игра и покрај одличната партија на Лаури Марканен кој исто како и Јокиќ постигна 27 поени со 14 скока и пет асистенции.

Јокиќ имаше најголема помош од Арон Гордон, кој постигна 21 поен, со седум скока и две асистенции, како и од Џамал ​​Мареј, кој имаше „дабл-дабл“ учинок со 18 поени, три скока и 14 асистенции.

НБА лига, резултати –

Шарлот – Бруклин 121:133
Индијана – Чикаго 105:112
Вашингтон – Бостон 107:126
Атланта – Минесота 127:113
Торонто – Портланд 91:99

Мемфис – Далас 110:125
Милвоки – Мајами 122:114
Њу Орлеанс – Голден Стејт 102:130
Оклахома – Детроит 124:112
Денвер – Јута 110:102
Л.А. Лејкерс – Орландо 106:93