ВИДЕО: Црвена звезда е на чекор од одбрана на титулата
Кошаркарите на Црвена звезда поведоа против Партизан со 2:0 во финалето од плеј-офот на АБА лигата, откако победија со 85:81 (29:18, 18:22, 15:13, 23:28).
Белградските „црвено-бели“ ги предводеше Никола Калиниќ со 25 поени, по четири скока и четири асистенции, Лука Митровиќ постигна 14 поени (шест скока), а Никола Ивановиќ 12 поени.
Во тимот на Партизан најефикасен беше Алекса Аврамовиќ со 21 поен со четири украдени топки, Матијас Лесор постигна 18 поени (седум скока), Далас Мур 14 поени, а Зек Ледеј имаше 11 поени и запиша седум скока.
Третиот натпревар ќе се игра в среда од 20.30 часот, а домаќин ќе биде составот на Партизан.
Серијата се игра на три победи. Во продолжение погледнете ги најинтересните моменти од вториот меч во финалната серија: