Денеска во еден драматичен натпревар во СЦ „Борис Трајковски“ – Скопје женската ракометна репрезентација на Црна Гора со 35:34 ја совлада Романија во главната фаза и се најде на чекор од пласман во полуфиналето на Европското првенство.

Само чудо може да ги спречи Црногорките да влезат во борбите за медал на континенталниот собир.

Сега останува за нив Франција да не загуби од Германија и официјално црногорските ракометарки бидат меѓу најдобрите четири репрезентации во Европа.

Итана Грбиќ со осум голови и 12 асистенции имаше најголем придонес во денешниот триумф, а на спротивната страна девет погодоци запиша Кристина Неагу.

Во рамките од групата „2“ од 20.30 часот силите ќе ги одмерат селекциите на Франција и Германија. Табела: Франција 6 бодови (-1), Црна Гора 6, Шпанија 3, Холандија 3, Германија 2 (-1), Романија 2.