ВИДЕО: Чудо го спаси манастирот на Евија, пожарот го опколи, но не го запали
Монасите од манастирот Свети Давид лоциран на опожарениот грчки остров Евија ниту пожарот не ги принуди да се евакуираат додека останатото население и туристите поради пламените јазици во северниот дел мораше да го напуштат островот со траекти.
Монасите не сакаа да го остават светилиштето иако огнот се приближуваше и буквално го опколи манастирот.
Старешината на ова православно светилиште рече за државната новинска агенција АНА-МПА дека ситуацијата е многу тешка и дека пламенот бил висок и до 40 метри и манастирот бил опколен од огнот што се гледа и од снимката објавен на Фејбук на грчки јазик.
Манастирот Свети Давид на Евија е спасен, огнот го заобиколи и остана недопрен. Со голема помош од монасите и пожарникарите, стои во објавата на Фејсбук.
Многумина се зачудени од фактот што манастирот и покрај разгорениот пожар и запалената шума околу него останал недопрен и изгледа како да запрел пред него.
Инаку, во пожарот изгореа паркираните автомобили околу црквата, дрвјата, растенијата, но ниту една манастирска зграда, односно не е оштетена од пожарот ниту една цигла.