ВИДЕО: Челси освои само бод против Брајтон на „Стемфорд Бриџ“

Лондонските „сини“ направија чекор назад во борбата за титулата во Премиер лигаѕа/Фото: EPA-EFE/Tim Keeton

Денеска во рамките од 20. коло во Премиер лигата екипата на Челси на домашен терен одигра нерешено 1:1 против Брајтон.

Лондонските „сини“ водеа после првото полувреме со голот на белгискиот интернационалец Лукаку во 28 минута.

Тоа е веќе втор гол за Лукаку во последните 73 минути во Премиер лигата, а интересен е податокот кој вели дека последнорангираниот Норич има само два погодоци на последните седум меча.

Играчите на менаџерот Томас Тухел не успеаја да ја задржат предноста, во самиот финиш од средбата на стадионот „Стемфорд Бриџ“ гостите израмнија преку Велбек (90+1`).

Ова е веќе трето реми за Челси на последните четири натпревари и направи уште еден чекор назад во борбата за титулата.

Во следното коло лондонскиот клуб го очекува голема дерби пресметка, во првиот меч од новата 2022 година на 2 јануари ќе го пречека Ливерпул. Брајтон е на 10 позиција со 24 бодови.

Видео на денот