ВИДЕО I Бројот на повредени во експлозијата во Урошевац се зголеми на 42 лица: Гостите на ресторанот мислеле дека има земјотрес
Бројот на повредени лица од експлозијата што се случи во трговски центар во градот Урошевац (Феризај), досега се искачи на 42 лица. Еден од повредените, зборувајќи на една локална телевизија, рече дека на почетокот кога ја слушнале експлозијата мислеле дека станува збор за земјотрес.
Тој, рече дека гостите кои не биле повредени се обиделе да им помогнат на повредените побргу да го напуштат локалот.
„Имаме експлозија, мислевме дека е земјотрес или нешто слично. Првично, кога ја слушнавме експлозијата, мислевме така, тогаш моравме да ги изнесеме луѓето, да им помогнеме“, изјави тој за ТВ Фестина.
„Бројот на повредени од експлозија на плинска боца достигна 42, меѓу нив има и две малолетни лица“, рече мајорот од косовската полиција Ќазим Река.
Тој додаде дека од 42 повредени, 12 од нив биле испратени во клиничкиот центар во Приштина.
ВИДЕО: Плинска боца експлодира во ресторан во Урошевац, повредени се 31 лице