Соосновачот на „Мајкрософт“ Бил Гејтс (68) ја посети канализацијата во Брисел, Белгија и рече дека работата на отпадните води ги спречува идните пандемии.

Во краткото видео објавено на неговиот инстаграм-профил, Гејтс рече дека го посетил бриселскиот музеј за канализација за да го одбележи Светскиот ден на тоалетот, објави „Брисел тајмс“.

„Што правам десет метри под земја во Брисел? Влегувам во канализација. Овде смрди“, рече Гејтс.

Во видеото, Гејтс носи пар ракавици и очила, а потоа зема примерок од градската отпадна вода.

„На крајот на 19. век канализацијата се излеваше во реката Сена. Тоа доведе до страшна епидемија на колера. Денес во градот има мрежа од 300 километри канализациски тунели и процес на пречистување на отпадните води“, вели Гејтс.

Тој потсети дека научниците ги тестираат отпадните води за ковид, детска парализа и „други болести“.

„Оваа работа ги спречува идните пандемии. Му благодарам на градот Брисел што ја покажа уникатната страна на овој прекрасен град“, рече Гејтс.

Bill Gates explores the underground tunnel system in Brussels. pic.twitter.com/VMtmF0LKT0

— GhostEzra (@GhostEzraQ) November 19, 2023