Интерректорската и Интеруниверзитетска конференција се паралелни системски тела на високообразовните инсоитуции во државава. Двете тела работат паралелно, една покрај друга со многу важни надлежности дефинирани со Законот за високо образование. Утре во Интеруниверзитетска конференција се очекува по истекот на мандатот на проф. Јанкуловски да избереме ново раководство. Важна е средбата поради тоа што се наоѓаме во предизвикувачки момент, постпандемиски момент во кое треба да рагледуваме нови ситуации, предизивици на времето, наметнати практики од типот на онлајн едукацијата и слично, изјави во Утрински брифинг акад. проф. д-р Абдулменаф Беџети.

„Утрешната Интеруниверзитетска конференција ќе биде со физичко присуство, но не е исклучена и можноста некој да учестува и онлајн. Однапред не е утврдена кандидатура, но ние имаме некоја добра практика од минатото по систем на ротација раководствата да ги преземаат Универзтитетите „во години“, така што и покрај тоа што не е истакната кандидатурата Универзитетот „Климент Охридски“ веројатно ќе го преземе раководството“, вели акад. проф. д-р Абдулменаф Беџети.

-Откако ќе ги завршиме првите формалчни точки, под точката разно би била една од најавите веднаш да се организира тематска расправа Quo vadis високо образование во Македонија. Така што има многу актуелни теми, предизвици на кои треба да се разговара. После 2-3 години се уште не успеваме да ги конституираме органите на високообразовните институции како што е највисокиот орган Советот за развој и финасисрање на високот образование. Тој деновите едвај се комплетира, а се уште нема раководство, а замислете поминаа три години од новиот Закон, вели Беџети.

Целиот разговор со акад. проф. д-р Абдулменаф Беџети погледнете го во видеото: