ВИДЕО | Авион се урна на автопат во Нешвил, петмина мртви
Мал авион синоќа се урна и запали на автопат во Нешвил, при што загинаа сите пет патници во него. Поради несреќата автопатот бил делумно затворен, а истрагата се уште е во тек, соопшти локалната полиција. Авионот бил ослободен за итно слетување на аеродромот Џон Си. Набргу по првиот извештај, пилотот и соопштил на контролата на летање дека нема да стигне до пистата.
Авионот се запалил по несреќата, изјави портпаролката на противпожарната служба во Нешвил, Кендра Лони. „Тој удар беше катастрофален и никој не преживеа“, додаде Лони. Полицијата допрва треба јавно да ги идентификува жртвите и се уште работи на утврдување од каде полетал авионот.
JUST IN: Small plane crashes along I-40 in Nashville, Tennessee, killing 'multiple' people pic.twitter.com/1i1tfB5xl2
— BNO News (@BNONews) March 5, 2024
Сведоците велат дека „очигледно нешто не било во ред со авионот“ и пред да се урне во областа зад продавницата на Костко долж И-40 Исток. „За среќа леталото не погоди ниту една зграда додека паѓаше“.
BREAKING: Small plane crashes near I-40 in West Nashville. Several people have died. pic.twitter.com/EutLWOFlf8
— The General (@GeneralMCNews) March 5, 2024
Националниот одбор за безбедност на транспортот и Федералната управа за авијација ќе ги испитаат причините за несреќата, велат од полицијата. Видеото од очевидци го покажува леталото во пламен и чад, а сликите што ги сподели полицијата ја прикажуваат извалканата рамка на авионот опкружена од службите за итни случаи на тревната страна од патот.