Во текот на вчерашниот ден се зголеми бројот на жртви како епилог на оној страшен напад во градот Кременчук во којшто беше погоден шопинг центарот. До овој момент 18 тела се извлечени. Уште седум делови од тела кои допрва треба да бидат идентификувани, а по уште 21 лице се трага, јавува од Киев, Украина, репортерот на „Утрински брифинг“ и „Слободен печат“, Кристина Атовска.

-Во текот на вчерашниот ден продолжија нападите на градот Днипро. Утринава, Русите повторно го нападнаа градот Николаев. Таму се трага и властите се уште се обидуваат да проверат колку жртви има во моментов, јавува Атовска.

Инаку во моментов во Киев сите улици се блокирани, бидејќи има во посета е претседателот на Индонезија. Тоа е важно бидејќи тој ќе претседава со Самитот Г20 и веќе упати покана до рускиот претседател Владимир Путин. Путин ја прифати поканата, но во текот на вчерашниот ден, италијанскиот премиер Драги рече дека Путин сепак не може да присуствува на тој Самит. На тој Самит е предвидено и украинскиот претседател Зеленски да се вклучи онлајн. Она што шпекулираат медиумие е дека е можно двајцата претседатели да е вклучат онлајн, јавува Атовска.

Проследете го целиот извештај во видеото