ВИДЕО: Атланта и Њу Орлеанс се последните учесници во НБА плеј-офот
Атланта во последниот натпревар од плеј-ин триумфираше над Кливленд со 107:101 и во првото коло од НБА плеј-офот ќе игра против Мајами, најдобрата екипа од Источната конференција.
За Хокси доминираше Тре Јанг со 38 поени и девет асистенции, а во поразените редови прв стрелец беше Финецот Лаури Марканен со 26 поени (осум скокови).
Од друга страна, Њу Орлеанс славеше во Лос Анџелес над Клиперси со 105:101 и на стартот од доигрувањето ќе ги одмери силите со најдобриот на Западот, Феникс.
Кај Пеликанси блескаше Брендон Инграм со 30 поени (по шест скокови и асистенции), а за ЛА Клиперс Реџи Џексон запиша 27 поени (седум скокови, осум асистенции).
НБА лига, плеј-оф
Источна конференција, двојки –
Мајами – Атланта
Филаделфија – Торонто
Милвоки – Чикаго
Бостон – Бруклин
Западна конференција, двојки –
Феникс – Њу Орлеанс
Далас – Јута
Голден стејт – Денвер
Мемфис – Минесота