ВИДЕО: Андоновски и САД без финале на женскиот фудбалски турнир во Токио
Денеска во првото полуфинале на женскиот фудбалски турнир на Олимписките игри во Токио (Јапонија), репрезентацијата на Канада приреди изненадување совладувајќи ја селекцијата на САД со 1:0.
Стрелец на единствениот погодок за Канаѓанките беше Флеминг која беше прецизна од белата точка во 74 минута.
На тој начин Американките предводени од македонскиот тренер Влатко Андоновски ќе играат за бронзениот медал.
Во вториот полуфинален дуел кој стартува од 13.00 часот по македонско време силите ќе ги одмерат Австралија и Шведска.
They did it! 🇨🇦 win 1-0.#Canada’s Jesse Fleming scores on a penalty in the 75th minute to defeat the #USA for the first time in 20 years. The #Canadian women advance to the gold medal game!
Awesome!
pic.twitter.com/F9iXw61gX0— Paul Almeida (@AzorcanGlobal) August 2, 2021
Канада за првпат ќе игра за златото, во 2008 година во Пекинг беше осмопласирана, во Лондон 2012 година ја освои бронзата, а истото одличје го имаше и во 2016 година во Рио де Жанеиро.
Од друга страна САД за првпат ќе играат за бронзата, имаат златни медали во 1996, 2004, 2008 и 2012 година, сребро во 2000 година, а беа петтопласирани во 2016 година.