ВИДЕО: Алкараз – Хуркач е првото полуфинале на Мастерсот во Синсинати
Шпанскиот тенисер Карлос Алкараз славеше над Австралиецот Макс Пурсел со 3:6, 6:3 и 6:4 и се пласираше во полуфинале на Мастерс турнирот во Синсинати, САД.
Тенисерот кој ја зазема 70 позиција на АТП-листата се покажа како незгоден ривал за Алкараз кој го загуби сервисот во седмиот гем од првиот сет, а потоа и сетот.
Следуваше сосема поинакво издание на Шпанецот, неговиот брејк во раната фаза од вториот, а потоа и од третиот сет. Но, кога се чинеше дека мечот е решен, Персел му го одзеде сервисот на Алкараз и го внесе дуелот во нова драма. Тоа траеше до деветтиот гем кога Алкараз го добива вториот брејк во сетот и со мирна игра обезбеди пласман во следната фаза.
Алкараз во полуфиналето ќе игра против полскиот тенисер Хуберт Хуркач кој го елиминираше Алексеј Попирин од Австралија со 6:1 и 7:6 (8).
Второто полуфинале во Синсинати ќе се дознае по одигрувањето на останатите четвртфинални пресметки во кои се среќаваат А. Манарино (Франција) – А. Зверев (Германија) и Т. Фриц (САД) – Н. Ѓоковиќ (Србија).
Too hot to handle 🔥@carlosalcaraz #CincyTennis pic.twitter.com/P8yD2FYh0m
— Tennis TV (@TennisTV) August 18, 2023
Enorme torneo del australiano 👏
Carlos Alcaraz🇪🇸 se mete a semifinales en Cincinnati venciendo a un Max Purcell🇦🇺 que vendió cara la derrota#CincyTennis pic.twitter.com/QXd3GhZCWf
— Match Tenis (@MatchTenis) August 18, 2023