Весиќ: Наскоро интегрирани ознаки за наплата на патарина со Хрватска, Босна и Херцеговина, Грција и Албанија
Министерот за градежништво, транспорт и инфраструктура, Горан Весиќ, рече дека по Северна Македонија, наскоро треба да се воспостави систем за интегрирани ознаки за наплата со Хрватска, Босна и Херцеговина, Грција и Албанија, пренесува Пинк.
Кога станува збор за заедничката ознака за наплата со Северн Македонија, Весиќ посочува дека на наплатната станица во Прешево, пред граница, може да се купи ознака или да се преконфигурира на камион со мобилни шалтери, за да работи во соседна земја, и дека постапката трае меѓу пет и 10 минути.
„За да можете да ја користите нашата ознака во Северна Македонија, треба да ја реконфигурирате, тоа значи да се префрлите од припејд на постпејд. За да можете да работите во Северна Македонија, и така да функционира во Србија, прикачувате ознака на вашата платежна картичка. Ако имате пари на ознаката, тие ќе бидат вратени на вашата тековна сметка. Обезбедивме голем број места каде што може да се реконфигурира ознаката. Кога ќе го направите тоа, ознаката е активна за 30 минути, што е доволно време за да стигнете до граничниот премин. На сите им препорачувам да го направат тоа, бидејќи многу брзо ќе го имаме истиот систем со Хрватска, Босна и Херцеговина, Грција и Албанија“, рече министерот.