Катната гаража „Судска палата“, која е во раководство на општина Центар, веќе две недели е бесплатна  поради проблеми со осветлувањето. Гаражата е отворена за возила до 18 часот, а потоа, поради намалување на безбедноста, истата се затвора, информираат од ПОЦ за „Слободен печат“.

Санацијата на дефектот ќе се пролонгира поради процедурите, кои налагаат да се чека одобрување на средства за итност од бирото за јавни набавки, за да може да се објави тендер за санација, додаваат од ПОЦ.

Очекувањата се и дека во следниот месец гаражата ќе функционира без струја.

Во меѓувреме канцелариите на ПОЦ се преместени во кај Градски ѕид, позади Аутомакедонија.