Од утре почнува исплатата на пензиите, а тие ќе бидат поголеми за 2,9 проценти, извести Министерството за труд и социјална политика.

– Согласно член 37 од Законот за пензиското и инвалидското осигурување „Пензијата се усогласува од 1 јануари и 1 јули секоја година според процентот на порастот на индексот на трошоците на живот во претходното полугодие во однос на полугодието кое му претходи објавени од Државниот завод за статистика. Државниот завод за статистика на Република Северна Македонија го утврдува и објавува во „Службен весник на Република Северна Македонија“ бр. 7 од 12 јануари 2022 година, Движењето на индексот на трошоците на животот во Република Северна Македонија, според кое индексот на движењето на трошоците на живот во второто полугодие од 2021 година (период: јули – декември 2021 година) во однос на првото полугодие од 2021 година (период: јануари – јуни 2021 година) изнесува 2,9  проценти.  Во исплатата на јануарската пензија се пресметува и зголемувањето на пензиите согласно усогласувањето член 37 од Законот за пензиското и инвалидското осигурување – појаснија од Министерството во изјава за „Слободен печат“.

Јануарските пензии почнуваат да се исплатуваат од утре.