Баерн се „откажа“ од титулата оваа сезона во германскиот фудбалски шампионат, а по 11 години наскоро Бундес лигата според моменталната ситуација во генералнот пласман ќе добие нов првак.

Баер Леверкузен оствари нов триумф на домашен терен против Хофенхајм (2:1), а во дербито Баерн Минхен загуби пред своите навивачи од Борусија Дортмунд.

На седум кола до крајот на натпреварувачката сезона на првото место на табелата е Баер Леверкузен со 73 бодови, 13 повеќе од второпласираниот Баерн.

После завршувањето на мечот против Дортмунд, тренерот на Баерн, Томас Тухел призна дека трката за шампионскиот пехар е завршена и веќе го „просласи“ Баер за нов германски шампион, што би била прва бундеслигашка титула во историјата на клубот.

– Му честитам на Баер Леверкузен. Трката за титулата е завршена – беа зборовите на Тухел пред новинарите.

🚨🇩🇪 Thomas Tuchel gives up for Bundesliga title: “Congratulations to Bayer Leverkusen”.

“The title race is over”. pic.twitter.com/rViiMcCSJp

— Fabrizio Romano (@FabrizioRomano) March 30, 2024