18 C
Скопје

Тргна ли Филипче, по стапките на Тодоров?

Откако десетина дена во медиумите е актуелна темата со пропаѓање на проектот за детската кардиохирургија, министерот за здравство Венко Филипче и денеска ја пропушти шансата да ја увери јавноста дека заминувањето на кадриохирургот Владмир Чадиковски и тимот кој ги работеше кардиохируршките операции кај бебињата со вродени срцеви мани од клиниката „Жан Митрев“ нема негативно да се одрази на третманот на овие деца.

Имено, денеска министерот првпат се појави на некој настан по користењето на годишниот одмор и  ја посети Клиниката за трауматологија, ортопедски болести, анестезија, реанимација и интензивно лекување и ургентен центар поради ставање во употреба на нов апарат за ултразвук. Но на настанот не беа поканети новинари, туку само се објави соопштение со фотографија на страната на министерството.

Се поставува прашањето, дали Филипче намерно ги избегна новинарите, бидејќи беше свесен дека ќе се соочи со прашања за детската кардиохирургија.

Инаку, практиката да се избегнуваат новинарите ја применуваше и неговиот претходник Никола Тодоров. Тој кога сакаше да ги избегне незгодните прашања, а сепак да се пофали за некоја новина, најавата за настанот ја праќаше 5 до 10 минути пред неговото одржување, за да не може да се стигне. Навреме беа информирани само „подобните“ медиуми кои како статисти ќе го пренесеа тоа што тој имаше да го каже.

Од кабинетот на Филипче велат дека не планирале настан, туку само биле во посета на клиниката и тогаш процениле дека е добро сепак со јавноста да се сподели информација за новиот апарат.

Останува да видиме дали Филипче ќе свика прес-коференција на која ќе одговори на неодговорените прашања поврзани со детската кардиохиргија како што беше онаа прес-конференција на која го најави спојувањето на тимот од Клиниката за детска хирургија и „Жан Митрев“.

Поврзани вести

Денеска се регистрирани 135 нови случаи на Ковид-19

Слободен печат

ВИДЕО| Менкиноски: Фамозната белешка на АНБ не е доказ во постапката против Јордан Камчев

ВИДЕО| Најмалку 40 мртви меѓу кои и деца во напад на училиште во Авганистан

Горан Наумовски

Папата Франциск повика на прекин на насилството во Ерусалим

МИА Агенција

ЕК нема да нарачува вакцини од АстраЗенека по јуни

МИА Агенција

Во Германија од денеска ослободување од мерките за вакцинираните

МИА Агенција

Остави Коментар