Менаџерот на Ерлинг Халанд разговараше со Барселона, а сега на ред се преговорите со Реал Мадрид, објави познатиот италијански новинар Фабрицио Романо.

Романо тврди дека менаџерот на Халанд, Мино Раиола, придружуван од таткото на 20-годишниот напаѓач Алф-Инге, одржал состанок во Барселона со претседателот на каталонскиот гигант Жоан Лапорта.

Двајцата сега се во Мадрид каде ќе се сретнат и со претседателот на Реал, Флорентино Перез.

Халанд пристигна во Дортмунд во јануари 2020 година од РБ Салцбург за 20 милиони евра, и оттогаш тој постигна дури 49 гола на 49 настапи за клубот во сите натпреварувања.

Confirmed. Mino Raiola is in Madrid *right now* after leaving Barcelona on a private flight. There is also the Haaland’s father with him.

After meeting with Barcelona president Laporta, Raiola will talk today also with Real Madrid about Haaland deal. ⚪️ #Haaland #RealMadrid

— Fabrizio Romano (@FabrizioRomano) April 1, 2021

Дортмунд ќе бара 180 милиони евра, пишува „ЕСПН“

Тој сега е „мета“ на сите најголеми европски клубови, а Раиола неодамна изјави дека Норвежанецот може да избере каде ќе оди.

Халанд има клаузула во договорот со Дортмунд според која може да се купи за 70 милиони евра во летото 2022 година, но тешко е да се очекува дека некој од заинтересираните клубови ќе почека уште една година.

Како што неодамна објави „ЕСПН“, Борусија сака да го задржи својот најдобар играч уште една година, па летово ќе побара 180 милиони евра за него. Германците се свесни колку Халанд е баран на пазарот, но и дека следното лето може да го загубат за многу помалку пари.