СЗО во борба против гласините: Лукот и маслото од сусам не го убиваат коронавирусот
Поради брзото ширење на гласини, полувистини и комплетни дезинформации поврзани со новиот коронавирус Ковид-19, Светската здравствена организација (СЗО) започна кампања за информирање за оваа болест.
На веб-страната на организација, тие објавија повеќе различни митови и гласини кои се шират за вирусот, објаснувајќи кои се оптималните начини за превенција, но и кои се комплетно неточни информации во кои луѓето не треба да веруваат.
СЗО информира дека лукот не штити од инфекција со коронавирусот, дека засега не постојат индикации оти од него се заразиле домашни миленци, како и дека прскањето на кожата со алкохол и хлор не помага ако вирусот веќе е во организмот.
Не се советува ниту зрачење во УВ-зраци, а отворањето на писмо или пакет од Кина не може да пренесе инфекција.
Меѓу другите корисни информации, посочуваат и дека антибиотици и вакцини против воспаление на белите дробови, како што се различни вакцини не заштитуваат од коронавирусот.
Главна заштита од новиот коронавирус е честото миење на рацете, а потоа нивно добро бришење со хартија.