Вчерашниот ден ни донесе нов пресврт во трката за титулата во Премиер лигата. Манчестер сити и Арсенал одиграа 0:0 во големото дерби, додека Ливерпул по пресврт го победи Брајтон со 2:1.

На девет кола до крајот, Ливерпул е лидер со 67 бодови, Арсенал е втор со 65, а Манчестер сити е трет со 64 бодови.

Така, сега Ливерпул е во „пол-позиција“ за титулата, а на тимот на Јирген Клоп најголема шанса им дава познатиот супер-компјутер на „ОптаСтатс“, организација специјализирана за проекции и статистичка обработка на најсилните европски лиги.

Pela primeira vez a Opta coloca o Liverpool como favorito ao título da Premier League.

◉ Liverpool (47.71%)
◉ Man City (33.53%)
◉ Arsenal (18.76%)

Todo mundo preparado pra quase infartar, jogo a jogo?! pic.twitter.com/JEmoIIoUoV

— Caminhantes Vermelhos 🔴 (@CaminhantesLFC) April 1, 2024

По вчерашните натпревари „ОптаАналист“ 10.000 пати симулираше крај на првенството и прв пат сезонава фаворит за титулата не е Манчестер сити. Титулата Ливерпул ја освојува во дури 47,7 отсто од случаите, што е за 12,4 отсто повеќе од пред 30. коло.

Сити ја освои титулата во 33,5 отсто од случаите, што е пад од 12,4 отсто, додека Арсенал има 18,8 отсто шанси да стане шампион на Англија по 20 години.

Да потсетиме, Сити освои пет од последните шест шампионски пехари, а во 2020 година шампион беше Ливерпул, за кого тоа беше прва титула по 30 години.