Како што дознава Слободен печат, на ваквата судска одлука Градот не останал рамнодушен. Се обиделе да поднесе жалба до Основниот суд, но жалбата била вратена бидејќи на неа немало залепена таксена марка.

Ова ќе го чини Градот комплетно враќање на предметот од почеток, а во меѓувреме извршителите немаат право да продолжат со рушење на галијата.

Управителот на бродот Жарко Миленковски уште кога почна рушењето на Галијата рече дека ќе ги искористи сите правни механизми за да спречи да се урне објектот и да се направи штета висока 1 200 000 евра.

Во изјава за Слободен печат Шилегов изјави дека сопственикот со месеци не плаќал кирија за истата, со што се создала можност да се раскине договорот.

ВИДЕО: Шилегов тврди, нема политика во одлуката да се отстрани галијата

На оваа изјава, се огласи и сопственикот кој појасни дека воопшто не должи за кирија на објектот.