На автопатот А2 кај Билефелд во Германија вчера вечерта се случила сообраќајна незгода во која учествувале 15 возила. Како што пренесува германски Билд, автопатот е „поле со шут“.

Пожарникарите известија дека околу 18:15 часот меѓу раскрсницата Билефелд и Гутерслох се судриле вкупно 15 возила. Најмалку осум лица се повредени, а една жена остана заробена во својот автомобил и мораше да биде извлечена. Нејзините повреди се опасни по живот.

Уште три лица се тешко повредени, а четворица се полесно повредени. Спасувачки хеликоптер слета во близина на местото на несреќата. Полицијата во моментов се сомнева дека причина за несреќата била слабата видливост поради обилните врнежи од дожд и слабото заоѓање на сонцето.

Спасувачите од Билефелд и Гутерсло се упатиле на местото на несреќата, а патот бил целосно затворен до 1 часот по полноќ. Сообраќајот беше пренасочен на раскрсницата Билефелд преку А 33 и А 44, а во правец на Дортмунд се создаде сообраќаен метеж долг седум километри.