Христо Стоичков кој исто така го поминува овој период во домашна изолација поради опасната зараза, има предлог кога и како да заврши сезоната во најсилното шпанско првенство што овие денови е актуелна тема.

Поранешниот фудбалер на Барселона, Христо Стоичков смета би требало веднаш да се прогласи крај на шпанската „Ла Лига“ поради пандемијата на коронавирусот.

Barcelona should be crowned champions and LaLiga season CANCELLED entirely, says Hristo Stoichkov
https://t.co/ZbBnVjUmC0
#RMLive #HalaMadrid #RMLiveScores

— Real Madrid LIVE (@RMLiveScores) April 6, 2020

– Доколку ја видиме ситуацијата, земајќи ги во предвид натпреварите кои се одиграни, би било најдобро сега да заврши сезоната во „Ла Лига“ според моменталниот пласман. Воедно да нема испаѓање, два тима од Сегунда да влезат во елитата и од наредната сезона да имаме 22 екипи – рече Бугаринот Стоичков.

До прекинот на сезоната Барса водеше со само два бода предност во однос на најголемиот ривал Реал Мадрид, а според сегашната табела во „Сегунда“, екипите на Кадиз и Сарагоса автоматски би обезбедиле настап во елитниот ранг.

Стоичков своевремено како професионален фудбалер успеа петпати да биде шампион на Шпанија со каталонскиот гигант.