Стар рецепт за највкусниот десерт: Неодоливата кремпита
Наш предлог за уживање во некој вкусен десерт во зимските вечери е – кремпита. Вкусна и слатка, ќе ги задоволи сите ваши копнежи по благо.
Состојки:
– 2 јајца
– 3 лажици шеќер
– 3 лажици брашно (рамни лажици)
– 1 лажица маслиново масло
За кремот:
– готов крем за кремпити
– 800 мл млеко
За украсување:
– 2 ќесички шлаг
Подготовка:
Јајцата изматете ги заедно со шеќерот, додадете брашно и масло и изедначете ги. Смесата сипете ја во плех 30х20 см. Печете на 200 степени Целзиусови, околу 15-20 минути.
Во меѓувреме, сипете ја смесата со кремот во длабок сад и изматете со миксер, додајте го млекото и промешајте според упатството.
Испечениот колач прелијте го со кремот и израмнете. Изматете го шлагот и украсете го колачот.
Кремпитата е готова за неколку минути.