Србија алармира: Внимавајте на лажни тестови, во Македонија тестирајте се во акредитирани лаборатории
Поради поевтиниот ПЦР-тест во Северна Македонија, многу српски туристи кои патуваат во Грција одбираат да бидат тестирани кај соседите, пишуваат српските медиуми.
ПЦР-тестот во лабораториите во С. Македонија чини 35 евра, цели семејства имаат попуст, додека ВИП-тестот мора да се плати 70 евра, но резултатот пристигнува за помалку од еден час, пишува српска „Политика“.
Една лабораторија нуди дури и бесплатно тестирање за луѓе кои патуваат во странство на лекување.
Порталот nikana.gr. исто така објави дека е можно и тестирање во некои хотели, но сега тие забележуваат дека сепак е подобро да се тестира на проверено место.
Меѓутоа, доколку бидат тестирани во некои од хотелите, каде, наводно, се обезбедува и таа услуга, може да добијат фалсификуван негативен тест
– Внимателно! Деновиве слушаме дека во Северна Македонија се појавиле лажни тестови. Всушност, ако се тестирате во некој хотел, може да се случи примерокот воопшто да не биде однесен во лабораторија и да добиете фалсификуван негативен резултат. Велат дека ова е најчестиот случај. Дали е вистина или не, не знаеме, но секако бидете внимателни. Подобро е сами да ја посетите лабораторијата во Гевгелија, Скопје или на некое друго место – се советуваат туристите на овој портал.
Според „Политика“, Србите се тестираат и во Бугарија, каде ПЦР-тестот чини 40 евра.
Тамара Ранчиќ од Здружението „Грција од прва рака“ за Политика вели дека Грците „не прават проблем за тоа каде биле тестирани патниците“.
„Важно е тестот да важи во рок од 72 часа, што значи дека не мора да се прави во матичната земја. Ова е големо олеснување“, изјавила Ранчиќ.
Инаку, Националното здружение на туристички агенции „Јута“ испрати иницијатива до српскиот Кризниот штаб пред два дена да ја намали цената на ПЦР-тестовите во Србија токму од овие причини. Како што вели Александар Сеничиќ, директорот на „Јута“, за Политика, тие исто така барале да се обезбеди бесплатно тестирање за деца чии родители се вакцинирани (што може да биде уште еден мотив за вакцинирање.)
„Имаме уште еден проблем, а тоа е обврска за нашите граѓани кои се враќаат, на пример, од Турција, Египет или Тунис, а за враќање, а исто така вршат ПЦР-тест. Побаравме да се прифати и антигенскиот тест во тој случај, бидејќи тоа ни го овозможија и други земји, па зошто да не им дозволиме и на нашите граѓани“, заклучува Сениќиќ.