Во новата епизода на „Со Ана на ТИ“ гостинка е Слаѓана Вујошевиќ, амбициозна актерка која храбро излегува од комфорната зона и со многу работа и упорност успева да го направи она што изгледа невозможно.

Македонка вработена во НУ Турски театар, а на најмладите препознатлива како хероината Биби од „Светот на Биби“, Слаѓана е актерка која својот талент го надградила надвор од границите на Македонија. Таа ги завршува мастер и докторските студии во Истанбул, каде живее и работи седум години, минувајќи повеќе од една година во интензивно изучување на турскиот јазик – за подоцна да заигра во турски претстави и серии.

Разговаравме за нејзиниот личен и професионален пат, за амбицијата што ја водела кон актерството, за предизвиците на театарската сцена и пред камерите, за животот и искуството во Турција, за предрасудите со кои се соочувала, но и за љубовта кон адреналинот, нуркањето и патувањата.

Поткастот „Со Ана на ТИ“ можете да го гледате секој петок во 19:00 на јутјуб-каналот на „Слободен печат“.