СЛОБОДЕН УДАР: Ветата не се веќе во мода на Балканот

Ни Бугарија ни Грција не ќе можат веќе да нè условуваат ако не добиеме преговори за членство во ЕУ.

Ветата излегоа од мода. Место да излегуваат со услови и да отвораат спорни прашања, нашите соседи се здружија во напорите да ни помогнат да добиеме одлука за преговори за членство со Европската Унија.

Министерскиот собир во Солун беше јасна порака од нив до Брисел дека има и нова клима и нова енергија во регионот. Дека сите цврсто стојат на ставот Македонија и Албанија да добијат преговори во март и дека за таа цел се подготвени да ги стават под килим меѓусебните проблеми во моментов.

Сликата од министерската конференција беше речиси идилична. Никој не се противеше што Косово присуствува на настанот, ниту пак како се именува. Грчкиот шеф на дипломатијата Никос Дендијас ја опиша Македонија како пријателска и соседска земја, без да спомне каков било проблем со Преспанскиот договор. Бугарската шефица на дипломатијата Екатерина Захариева не ги ни спомна условувањата околу Договорот за добрососедство со нашата држава, а се игнорираа и проблемите поврзани со малцинствата меѓу Грција и Албанија.

Прочитајте и...  Дапчевиќ од Белград: Седете дома, бидете здрави и чувајте се

Единствена критичка порака беше да ги забрзаме реформите, бидејќи со темпото со кое ги правевме досега и со отпорите против нив внатре, тешко ќе можеме да бараме од Брисел да го испорача тоа што го вети од самитот во Солун пред две децении.

Шест земји членки на ЕУ, по иницијатива на Грција, настапија заеднички во Солун за да им се слушне гласот. Моментот е критичен, бидејќи од вчера почнаа преговорите за новата методологија за проширување, зад која всушност стои намерата на некои земји преку формата да ја скријат неподготвеноста за ново проширување. Во Брисел, всушност, не се решава само дали ќе им се даде одлука за преговори на Македонија и на Албанија, туку дали ќе има или не механизам преку кој, во зависност од случувањата натаму, може да му се стави крај на овој процес.

Прочитајте и...  Арсовски: Кај опозицијата притисокот е да бидат присутни во јавноста, дури и на сметка на вистината

По долги години меѓусебно блокирање, лидерите од поширокиот регион сфатија дека од недавањето преговори за Македонија и за Албанија, од непроширувањето на Унијата во регионот, па и од пролонгирањето на одлуката за тоа – сите губат еднакво. Дека соседните земји членки на ЕУ имаат историска одговорност, освен што даваат вербална поддршка, да го притиснат посилно Брисел, настапувајќи како блок. Дека времето за тесни политички интереси е потрошено и колку повеќе остануваат Македонија, Албанија, Црна Гора, Србија, Косово и БиХ во изолација, толку повеќе го губат чекорот со нив и со ЕУ, претворајќи се во непријатно соседство.

Токму затоа никој во Солун не сакаше да се откаже од ставот да им се дадат преговори и на Македонија и на Албанија, иако таа заостанува во моментов зад нас. Видливо беше чувството дека ако балканските земји не тргнат по патот кон ЕУ, ни соседите нема да имаат начин како да влијаат врз споровите со нив.

Прочитајте и...  30 скопјани се шетале за време на полициски час

Конференцијата во Солун покажа и нешто друго. Дека е многу лесно во кампања да се спорат договори и да се ветуваат магични политички решенија, но кога сте на власт, мора да водите сметка и за одговорноста и реперкусиите од авантуристичките потези. Настапот на грчкиот шеф на дипломатијата Никос Дендијас немаше ништо заедничко со реториката на Нова демократија со која победи на последните избори во Грција. Токму затоа, тој и не гледаше смисла да одговара на силните најави од нашата опозиција дека ќе го менува и дека нема да го почитува Договорот од Преспа. Има нешто што се вика реална политика, и тоа важи еднакво и за Грција и за Македонија.

Прочитај повеќе

Владините службеници кои секојдневно патуваа во Скопје од среда ќе работат од дома

Слободен печат

Коронавирусот ги уништува мексиканските картели-цената на дрогата поскапува, бизнисот пропаѓа

Дејан Андоновиќ

Борис Џонсон итно префрлен на интензивна нега поради коронавирусот

Слободен печат

Гледа сè и веднаш реагира: Како кинескиот робокап се бори против коронавирусот? (ВИДЕО)

Слободен печат

Двајца кумановци починаа попладнево од коронавирусот

Слободен печат

Се стопира правото на исплата на паушали и парични надоместоци

Слободен печат

Остави Коментар

Прочитај повеќе

Владата го ограничи извозот на заштитни маски

Слободен печат

Лицата позитивни на КОВИД-19, кои се без здравствено осигурување, ќе се лекуваат на товар на Фондот

Слободен печат

Како да не го внесете коронавирусот дома? (ВИДЕО)

Слободен печат

СЗО: Маските не можат да ја запрат пандемијата, државите и натаму треба да ги изолираат заразените

Слободен печат

Сите теории на заговор на едно место

Срѓан Ивановиќ

Од среда дополнителни ограничувања на движењето

МИА Агенција