Синот на Бекамови го потпиша предбрачниот договор: Бекам и Пелц не веруваат во случајности
За да се осигури богатството на нивните семејства, Бруклин Бекам и неговата свршеница Никола Пелц веќе го потпишаа предбрачниот договор, иако венчавката, поради сегашната ситуација со пандемијата на коронавирусот, се одложи.
Младата двојка мораше да го одложат датумот на нивната венчавка од септември 2021 година за 2022 година. 21-годишниот Бруклин Бекам и четири години постарата Никола Пелц во јавноста често ги споделуваат своите планови за нивната венчавка.
Како што откриле извори блиски до парот, тие веќе потпишале предбрачен договор, со цел да се заштити богатството на нивните смеејства, откако тие самите ќе станат сопружници. Така, се дознава дека во договорот стои дека ако некогаш се разведат, ќе го напуштат бракот само со работите што ги поседувале кога го склучиле, мислејќи на приход и недвижнини.
И додека богатството на родителите на Бруклин, поранешната пејачка, сега дизајнерка Викторија Бекам и поранешниот фудбалер Дејвид Бекам, се проценува на околу 335 милиони фунти, а на родителите на Никола Пелц на околу 1,1 милијарда фунти – само она што е во банка.
Како што открива извор за „The Sun“, предбрачните договори се вообичаени во Америка и нема ништо чудно во тоа, така што сите членови на семејството на Никола, кои се во брак, имаат по еден таков договор.
„Одлуката на Бруклин и Никола да го потпишат договорот беше заедничка. Тој зад себе има искуства со девојки кои биле со него само затоа што е Бекам и има пари, па не е изненадување што неговите родители беа воодушевени кога ја запознаа Никола, која го сака за тоа што е. Нејзе не ѝ се потребни неговите пари“, споделил изворот.