Полесно се повредени шест лица во сообраќајната незгода меѓу автомобили марка „форд ескорт” и „ауди”, а меѓу повредените е и  жена во поодмината бременост.

Во центарот на Струмица на булеварот „Маршал Тито” околу 12.30 часот се случила незгодата меѓу двете возила.

Од струмичката болница велат дека кај сите лица се констатирани само лесни телесни повреди и никој не е задржан на лекување. Сите биле прегледани од ортопед, а единствено врз бремената жена ќе бидат извршени дополнителни прегледи.

Полицијата изврши увид на местото на незгодата.