Актерката Шенон Доерти (49) веруваше дека го победи ракот на дојка кој ѝ беше дијагностициран пред 5 години, но во февруари оваа година тој повторно ѝ се врати, по што сега се проширил на нејзините лимфни јазли и преминал во четврт стадиум.

Со оглед на фактот што се повлече од јавноста, многумина се прашуваа како е Шенон, а одговорот на тоа прашање сега го дал нејзиниот колега од серијата, Џејсон Присли.

„Шенон е борец и отсекогаш била борец, и знам дека ќе продолжи да се бори колку што може“, изјави Џејсон, кој го глумеше нејзиниот брат Брендон во серијата „Беверли Хилс“.

Покрај Џејсон, изјава за американските медиуми дал уште еден пријател на Шенон кој сакал да остане анонимен, а неговата изјава растажи многу обожаватели бидејќи открива сосема поинаква слика за здравјето на актерката.

„За жал, нејзината состојба е толку лоша што мислам дека нема да ја дочека 2021 година. Таа умира. Ова го велам со тешко срце, но Шенон не сака да бега од вистината и знае што ја чека наскоро”, изјавил изворот близок до актерката.

За потсетување, Шенон кон крајот на февруари им се обрати на следбениците по пат на Инстаграм и ги сподели лошите вести за враќање на карциномот.