Шефилд Јунајтед само што се врати во Премиер лигата, ставен на продажба
Шефилд Јунајтед сезонава обезбеди пласман во најсилната англиска конкуренција, Премиер лигата, но по радоста навивачите ги дочека разочарување. Имено, актуелниот сопственик размислува да се повлече и да го продаде клубот.
Заедно со Барнли, Шефилд се враќа во елитата, меѓутоа изгледа дека финансиските проблеми го направиле своето. Принцот и мултимилијардер Абдула донел одлука да го стави клубот на продажба.
BREAKING: Sheffield United owner, Prince Abdullah says he intends to sell the club in the next four weeks despite Premier League promotion pic.twitter.com/uqLQQbKUob
— Sky Sports News (@SkySportsNews) April 28, 2023
Наводно тој очекува во наредните четири недели да добие понуди кои ќе бидат разгледани. Ќе потсетиме, неодамна Шефилд доби забрана за трансфери поради неисплатена сума на пари кон Ливерпул.
На фудбалерите им беше ветена премија од 250.000 до 400.000 фунти по играч за пласманот, но со оглед на ситуацијата и објавата за продажба на клубот не се оптимисти дека тие најави ќе станат реалност.