После ремито на Барса со Севиља, и победата на „кралевите“ над Сосиедад, играчите на стратегот Зинедин Зидан повторно се лидери во првенството.

На дуелот Сосиедад-Реал Мадрид многумина сметаа дека вториот гол на „кралевите“ требаше да биде поништен, бидејќи Бензема играше со рака.

Но, судијата не досуди ништо, иако пред тоа двапати користеше ВАР. Прво досуди непостоечки пенал за Реал, а потоа поништи гол на Сосиедад кој го постигна Јанузај, бидејќи еден од играчите на овој тим му пречеше на Куртоа и беше во офсајд.

После овие одлука свој коментар имаше и тренерот на Барселона, Кие Сетиен кој му порача на светот што навистина се случуваше во Сосиедад.

– Не разбирам зошто се користи ВАР во едни ситуации, а во други не се користи. Не сакам многу да зборувам за судиите, бидејќи на тоа не можеме да влијаеме. Во такви сомнителни моменти понекогаш сте среќни, а во други ништо. Видовте што се случи на мечот, самите проценете – рече Сетиен.