Судиите и ВАР му помагаат на Реал Мадрид
Иако составот на Зидан не одигра спектакуларен натпревар, но со головите на Рамос и Бензема дојде до три важни бодови.
Реал и Барса имаат еднаков број на бодови, но мадридскиот гигант е моментно прв на табелата поради подобриот меѓусебен скор што е прв критериум за одредување на генералниот пласман во најсилното шпанско првенство.
Иако составот на Зидан не одигра спектакуларен натпревар, но со головите на Рамос и Бензема дојде до три важни бодови.
Победата на „кралевите“ крена многу прашина, особено од страна на медиумите во Барселона. „Мундо Депортиво“ и „Спорт“, водечките каталонски спортски медиуми, на денешните наслови укажаа на помошта што ја има Реал од „ВАР“ во продолжението на првенството.
Hola, aquí os dejamos la portada de este lunes #portada #deporte https://t.co/TIKuzdnCyp pic.twitter.com/QGXX2VY56n
— Mundo Deportivo (@mundodeportivo) June 21, 2020
– Реал ја зголеми колекцијата на контроверзни судиски одлуки кои одат во негова корист во продолжението од првенството. Против Реал Сосиедад им беше досуден сомнителен пенал, а на домаќините им беше поништен гол после многу сомнителниот офсајд – пишува „Мундо Депортиво“, кој излезе со црн наслов „Направено во Мадрид“ со фотографии од контроверзни моменти.
„Спорт“ отиде чекор подалеку и ја користеше познатата песна на навивачите на Реал „Аси, аси, аси гана ел Мадрид“ што во превод значи „Така победува (Реал) Мадрид“. Спорт стави во насловот „Аси, аси, гана ел ВАРдрид“, алудирајќи на наводна судиска помош.
– Укинете го ВАР и престанете да им се смеете во лицата на навивачите. Како е можно во ВАР собата седат лица кои до вчера судеа во пониските лиги? Барса го испушти водството и поради лошата игра во Севиља, но кога ќе започне машината на Реал, тогаш е многу тешко – пишува „Спорт“.