Семејството на убиениот Флојд испрати силна порака: А кога тоа Америка воопшто била „одлична“ досега? (ГАЛЕРИЈА)
Афроамериканецот Џорџ Флојд кој беше убиен во бруталното апсење во Минеаполис беше погребан вчера во својот роден град Хјустон.
Членовите на фамилијата на убиениот Флојд ја искористија шансата да упатат силни пораки на целата Америка посебно на администрацијата на претседателот и на самиот Доналд Трамп.
„А кога тоа Америка воопшто била голема?“ прашала Брук Вилијамс, внуката на Џорџ Флојд која емотивно зборуваше за убиството кое се случи на 25 мај.
Флојд почина откако полицаецот Дерик Шовин речиси девет минути клечеше со коленото на неговиот врат. Иако Флојд апелираше дека не може да дише, неговите молби не беа од помош, па 46-годишниот маж почина, по што предизвика масовни демонстрации против расизмот и полициската бруталност низ светот.
Брук Вилијамс се сврте кон слоганот кој Доналд Трамп го користи во претседателската кампања „Да ја направиме Америка повторно одлична“ (Make America Great Again), па испрати силна порака за моменталната состојба во САД моментов, иако не го прозва директно тековниот претседател Доналд Трамп.
„Не можам да дишам се додека правдата не биде сервирана. Џорџ секогаш влијаеше на луѓето со своите зборови. Полицаецот не покажа грижа на совест заради тоа што гледаше како душата на мојот вујко го напушта неговото тело. Ве молеше само да застанете. Зошто системот мора да биде вака расипан и корумпиран? Законите се такви за да пропаѓа афроамериканскиот систем. Тоа мора да се промени. Не смее веќе да има злосторства од омраза. Некој рече да ја направиме Америка повторно „одлична“. А кога тоа Америка воопшто била одлична досега?“, праша Брукс.
Исто така, внуката на Џорџ Флојд истакна дека смртта на Флојд не е само убиство, туку и злосторство од омраза.
– Америка, време е за промена, дури и ако почне со протести, без правда нема мир, додаде таа.
Покрај неа, на службата зборуваше и братот на Џорџ Флојд кој не можеше да ги задржи солзите.
Флојд почина во Минеаполис каде живееше неколку години, а порасна во Хјустон каде е сега погребан покрај својата мајка.
