Бившиот полицаец Дерик Шовин и Афроамериканецот Џорџ Флојд, кој почина додека Шовин го држеше приклештен со коленото на вратот, освен што се познавале од претходно, тие имале и конфликти додека работеле како обезбедување во ноќен клуб, изјави за CBS нивниот бивши колега Дејвид Пини.

Пини, кој работел со Флојд и Шовин во ноќниот клуб, рекол дека Шовин бил многу агресивен, заради што имале конфликти со Флојд.

– Верувам дека тоа што се случи на 25 мај беше лично, рекол Пини.

Шовин е обвинет за убиството на Флојд на 25 мај во Минеаполис, бидејќи речиси девет минути му го држеше коленото на вратот, иако Флојд неколку пати рекол дека не може да дише.

Смртта на Флојд поттикна масовни протести против расизмот во САД, но и низ целиот свет.

Џорџ Флојд кој беше убиен во бруталното апсење во Минеаполис беше погребан вчера во својот роден град Хјустон.

Членовите на фамилијата на убиениот Флојд ја искористија шансата да упатат силни пораки на целата Америка посебно на администрацијата на претседателот и на самиот Доналд Трамп.

Семејството на убиениот Флојд испрати силна порака: А кога тоа Америка воопшто била „одлична“ досега? (ГАЛЕРИЈА)