По неколкудневен молк, откако во јавноста стаса веста за разводот на инструкторот по фитнес и модел Сем Асгари и поп принцезата Бритни Спирс, тој конечно се огласи на социјалните мрежи.

Сем потврди дека тој и Бритни се разведуваат по само 14 месеци брак.

„По шест години љубов и посветеност еден кон друг, мојата сопруга и јас одлучивме да го завршиме нашето заедничко патување. Ќе се држиме до љубовта и почитта што ги имаме еден кон друг и ѝ посакувам сè најдобро. Глупости се случуваат“, напиша Сем.

„Звучи лудо да барам приватност, па затоа само ќе ги замолам сите, вклучително и медиумите, да бидат љубезни и внимателни“, додал тој на крајот.

Странските медиуми пишуваат дека Сем оваа недела поднел барање за развод од Бритни во Врховниот суд во Лос Анџелес, а како причина за нивното раскинување навел „непомирливите разлики“. Бритни и Сем се разделиле на 28 јули, се наведува во барањето.

Да потсетиме, американскиот портал „Ти-ем-зи“ неодамна објави дека Сем имал кавга со Бритни поради гласините за нејзиното изневерување. Не е познато дали гласините се точни, но Сем поверувал во нив и многу се скарале, по што тој се иселил од нивната куќа.

Потоа медиумите дознаа дека Сем наводно бара Бритни да му плати повеќе отколку што е наложено во нивниот предбрачен договор, а ако таа не го стори тоа, тој се заканува дека на сите ќе ги открие нејзините тајни.

„Тој се обидува да преговара за отстапки надвор од предбрачниот договор и се заканува дека ќе излезе во јавноста со исклучително засрамувачки информации за Бритни, доколку не биде платен“, изјавил извор од странските медиуми.

Поранешниот сопруг на Бритни Спирс се обидел да ѝ ја уништи свадбата: Полицијата го уапсила

„Ова ќе го потресе светот“: Бритни Спирс ја заврши својата автобиографска книга

Сем Асгари ја уценува Бритни Спирс: Ќе објави срамни детали за неа ако не му даде повеќе пари