Зијадин Села и Африм Гаши одржаа заедничка прес-конференција како претставници на коалицијата меѓу Алијансата за Албанците и Алтернативата пред Собранието на државата.

– Позади мене е Собранието, граѓаните беа свесни дека вољата нивна не беше преточена во реализација вчера со договорот кој го слушнавме. Освен она што секогаш го слушаме, позиции, министрти, не слушнавме дека некој зборува за граѓаните, да се врати надежта, особено кај Албанците. Ја злоупотребија волјата на граѓаните. ДУИ можеби ќе биде дел од власта, но тоа ќе значи дека Албанците уште повеќе ќе бидат заробени и уплашени. За што служи демократијата, кога не им даваш слобода на тие што те гласале. Нема да дозволиме да купуваат и крадат гласови- истакна Зијадин Села.

Нека им биде јасно, потенцираше Села, ќе имаат голем противник, да знаат дека сме спремни да им возвратиме. Тој потенцираше дека чекаат се уште одговор од Обвинителство за изборните нерегуларности на парламентарните избори кои се одржаа на 15 јули годинава.

– Идејата на мојот говор денеска беше да укажеме дека вчера сите граѓани увидоа дека се формираше една влада. Оваа влада ќе стои со две стаклени нозе и ние сме убедени дека нема да опстои толку долго. Владата предводена од СДСМ и ДУИ нема легитимитет. Оваа влада е нелегитимна за Албанците и е заснована на манипулации, на лажење, на купување. Ќе ја срушиме, ќе се бориме на легален начин- рече Африм Гаши.

Проследете го обраќањето: