САД ѝ даваат пари на Македонија за борба со Ковид-19: Колку ќе добијат земјите од регионот?
САД издвоија речиси 508 милиони долари за борба против пандемијата со коронавирусот во светот, од кои за Македонија се наменети 1,1 милион долари, соопшти Стејт департментот, пренесе Танјуг.
Кога станува збор за земјите од регионот, во соопштението се наведува дека помошта за сузбивање на пандемијата за БиХ изнесува 1,2 милиони долари, колку и за Албанија, Србија ќе добие 1,2 милиони долари, а Бугарија и Грција по 500.000 долари. Црна Гора добила 300.000 долари американска помош.
Што се однесува до Косово, Стејт департментот укажува на помош од САД во износ од 1,1 милион долари за подготовка на лабораторискиот систем, поддршка на експертите за дејствување, како и подобрување на комуникацијата.