Во Нов Белград ќе се отвори нов кинески трговски центар: Досега продадени повеќе од 300 продавници
Привршува изградбата на новиот кинески трговски центар на улицата Јуриј Гагарин во Нов Белград, фасадата и работите во внатрешноста на зградата се завршени и се очекува отворањето на крајот на мај, а во завршна фаза од изградбата Фокусот е на внатрешните инсталации кои се неопходни за непречено функционирање на центарот, изјави изведувачот Вања Бугарин.
Тој за РТС, рече дека тоа опфаќа имплементација на системот за противпожарна заштита, електрична инсталација, машински инсталации, како и поставување на водоводни и канализациски системи, по што ќе се започнат финалните работи и ќе се отвори комплексот. На 34.000 квадратни метри има 450 дуќани, комплексот има две згради, меѓу кои ќе има и паркинг.
Осумдесет отсто од продавачите од стариот трговски центар, кој изгоре во пожарот, ќе се преселат во новоизградениот. Досега се продадени повеќе од 300 дуќани, повеќето ги купиле Кинезите, а останатите се во сопственост на српски фирми. Од компанијата „Евразија Трејд Центар“ велат дека цената на метар квадратен се движи меѓу 2.000 и 3.000 евра, објави БеоИнфо.