Роналдо можеби направи хаос во фудбалот: Португалецот може да зарази играчи од дури 25 екипи
Португалецот е позитивен на коронавирус, а оваа вест предизвика шок во речиси цела фудбалска Европа.
Фудбалска вест број еден денеска е Кристијано Роналдо кој е позитивен на коронавирус поради што може да се соочи со истрага поради неодговорност и избегнување на правилата за карантин, а таа негова недисциплина може да има страшни последици.
Не само по него и неговото здравје, туку еветуалните последици може да ги почувствуваат најголемите екипи во Европа. Причината за тоа е неделниот натпревар помеѓу Франција и Португалија во Лигата на нации во кој Роналдо ги одигра сите 90 минути. Проблемот е во тоа што сите фудбалери по натреварот сакаа да се поздрават и да разменат некој збор со него, а младиот играч на Рен, Едуардо Камавинга на социјалните мрежи се пофали дека го добил дресот на Кристијано Роналдо и нема никогаш да го испере.
https://t.co/MMXYeTOFGX pic.twitter.com/F1omGHKwBP
— Ball Street (@BallStreet) October 13, 2020
На неделниот натпревар помеѓу Франција и Португалија настапија фудбалери кои играат во дури 25 екипи од седум европски лиги. На теренот беа играчи од најсилните пет европски лиги, ткн. „Лига петка“ како и Рубен Семедо од Олимпијакос и неколку играчи на Порто.
Најголем страв има во Премиер лигата бидејќи Роналдо беше во контакт со играчи на Арсенал, Манчестер сити, Манчестер јунајтед, Ливерпул, Челси, Тотенхем, Евертон, Вулверхемптон и Лестер, додека во шпанската Ла Лига стравуваат екипите на Реал Мадрид, Барселона, Атлетико Мадрид, Севиља и Гранада.
Баерн Минхен, Борусија Дортмунд, Лајпциг и Ајнтрахт стравуваат кога станува збор за Бундеслигата, а од француската Лига 1 имаше фудбалери кои играат во ПСЖ, Рен, Олимпик Марсеј и Лил.
Антоан Гризман, Пол Погба, Нголо Канте, Рафаел Вара, Уго Лорис, Рубен Диаш, Жоао Феликс, Бруно Силва се дел од фудбалерите кои играа на неделниот натпревар и ќе мора да се тестираат за да се уверат дека не се позитивни на ковид-19.
Дополнителни проблеми за Кристијано Роналдо му прават и италијанските власти кои отворија истрага против него и уште шест играчи поради прерано заминување од изолација.
Роналдо и дел од играчите на Јувентус излегоа од задолжителниот карантин порано и без дозвола за да играат за своите репрезентации, по што италијанското обвинителство отвори истрага и доколку станува збор само за прекршок ќе поминат со казни од 1.000 евра, но доколку има елементи на кривично дело тогаш ќе се отвори судски процес и тука се можни дури и затворски казни.
Освен Роналдо, карантинот предвреме го напуштија и Бентанкур, Квадрадо, Данило, Дибала, Буфон и Демирал.
