Пакистанските власти прогласија вонредна состојба поради роевите на пустински скакулци кои ги јадат посевите, додека загриженоста поради недостатокот на храна расте.

– Се соочуваме со најлошиот напад на скакулци во повеќе од две децении и одлучивме да прогласиме вонредна состојба за да се избориме со заканата – изјави вчера министерот за информации Фирдоус Ашик Аван.

„Се сомневам дека оваа година ќе можеме да произведеме 27 милиони тони жито“, рече за агенцијата ДПА Нисар Каскали, земјоделец и член на Земјоделската комора Синдх.

Властите се борат против нападот на пустинските скакулци поради ограниченото финансирање.

Инсектите кои се хранат со посевите влегоа во Пакистан во јуни и уништија големи површини долж југозападниот округ, а притоа пустошеа полиња со памук, пченица, пченка и други посеви.

Роевите патувале дури од јужната провинција Синд до западната провинција Кибер Пактунква.

Погодните временски услови и доцниот одговор на властите им овозможија на скакулците да се размножуват и од пустините да се населат на полињата и во блиските градови.

Во прилог, видео од пред извесен период кога Пакистан го имаше истиот проблем.