Рецепт за тиквички со сирење и мајонез: Не треба ни печење, ни варење
Сезона е на тиквички, а од нив можете да направите различни јадења, само ваше е да изберете. Ако не сакате долго да стоите покрај шпоретот, туку само сакате набрзина да направите вкусно летно јадење, нашиот предлог се тиквички во кремаст сос. Не мора да се варат, само кратко прелијте ги со топла вода, а потоа измешајте ги со сирење и мајонез. Вака подготвените тиквички може да се послужат како прилог или како посебно јадење.
Состојки:
– 1 тиквичка
– 200 милилитри топла вода
– 2 растопени сирења (зденка сирење)
– копар
– 2 чешниња лук
– 1 лажичка италијански зачин
– 2 лажици мајонез
Подготовка:
Тиквичките исечкајте ги на коцки, па прелијте ги со топла вода и оставете ги да одморат 10-15 минути.
Сирењето кратко чувајте го во замрзнувач, а потоа изрендајте го и ставете го во сад. Додадете ги сечканиот копар, меленото чешне лук и процедените тиквички. Зачинете со сол, бибер и посипете со италијански зачини. Потоа, сипете и мајонез, па сè добро измешајте.