Рецепт за превкусен пржен ориз: Лесен ручек, готов за 10 минути
Експертите за готвење тврдат дека ќе го добиете најдобриот вкус на ова јадење ако го подготвите со застарен и сув ориз што сте го зготвиле претходниот ден и го чувате во фрижидер преку ноќ.
Ви го пренесуваме рецептот за наједноставната варијанта на пржен ориз со малку зеленчук и матени јајца.
Состојки:
– 700 г варен ориз
– 70 г замрзнат грашок
– 3 чешниња лук
– 3 лажици путер
– 3 лажици соја сос
– 2 моркови
– 2 јајца
– 1 мал кромид
– ½ лажичка масло од сусам
– сол и црн пипер
Подготовка:
Загрејте една лажица путер во вок или во поголема тава, па на неа испржете ги изматените јајца. Испржените јајца извадете ги од тавата и оставете ги настрана.
Во истото тавче загрејте уште една лажица путер и пропржете ги кромидот и морковот кои сте ги исечкале на помали парчиња. Пржете сè заедно со малку сол и бибер, околу четири до пет минути, додека зеленчукот не омекне.
Додајте го сечканиот лук и пржете сè заедно уште половина минута.
На едната страна од тавата ставете го зеленчукот, а на другата растопете ја последната лажица путер.
Во тавата додајте го сварениот ориз, замрзнатиот грашок, соја сосот и маслото од сусам и сè измешајте со зеленчукот.
Пржете на висока температура околу три минути додека оризот не ги „впие“ сите вкусови и стане крцкав.
Вратете ги јајцата во тавата, измешајте сè и послужете топло. Украсете со млад кромид.