Рецепт за француска салата, а еве зошто треба да ја јадете токму денеска
Француската салата е одличен избор бидејќи содржи јајца и кисели краставички кои ќе го снабдат организмот со електролити и мајонез кој е мрсен и одлично оди со алкохол, па во празничните денови исполнети со алкохол нема да бидете толку „скршени“. Токму ова е една од причините зошто француската салата често се служи во текот на новогодишните празници.
Рецепт за убава француска салата
Состојки:
– 450 г замрзнат грашок
– 450 г компири
– 450 г моркови
– 400 г кисели краставички
– 5 јајца
– 300 г мајонез
– 1 кисела павлака
– 1 лажичка сенф
– сол и црн пипер
Подготовка:
Зеленчукот згответе го посебно за да биде совршено, бидејќи ако го соедините заедно може да се случи, на пример, компирот да се свари порано, а грашокот или морковот подоцна, па некои да бидат кашести, а други премногу тврди. Сварете ги и јајцата.
Потоа сите состојки што треба да се сечкаат, исечкајте ги на еднакви парчиња. Измешајте ги со мајонезот, киселата павлака и зачините, па ставете ја салатата во фрижидер.