Сопственици на замок од 17. век биле заврзани од разбојници, а потоа нивниот раскошен дом бил опустошен.  Крадците на крајот успеале да соберат накит и пари во вредност од 2 милиони евра, открија властите во Франција, а пренесе британски „Гардијан“.

Платата Во-ла-Викомт, сместена среде ракошни градини на 50-тина километри југоисточно од Париз, е во сопственост на истото семејство уште од 1875 година. Патрис и Кристина де Вогеј го отвориле замокот за јавноста во 1968 година, и го водат со своите три сина.

Обвинителката Беатрис Анџелели-Ламот, изјави дека имало шест разбоијници и тие најверојатно не биле вооружени.

Замокот претставува најголемата локација на француското културно наследство која е во приватна сопственост и се простира на површина од над 500 хектари. Во просек, него го посетуваат околу 250.000 туристи годишно.

Во-ла-Викомт често пати во филмовите и сериите се користи за да го замени светски познатиот замок Версај, а може да се забележи и во филмот Џејмс Бонд на холивудската ѕвезда Роџер Мур. Многу од познатите светски и холивудски ѕвезди на оваа локација организираат забави и свадби, како францускиот кошаркар Тони Паркер и ѕвездата на „Очајни домаќинки“ Ева Лонгорија во 2007 година.