Рајот на Стинг во Тоскана
Светски популарниот музичар Стинг пред повеќе години купи имот во Тоскана, што со својата сопруга, актерката и продуцентка Труди Стајлер, го претворија во магично, инспиративно место.
Главната вила располага со комплексни детални и луксузни забавни простории кои вклучуваат трпезарија и дневна соба во баронски стил, како и таван со фрески.
Исто така, во главната вила се наоѓа и музичка просторија, комплетно студио за снимање и винска визба полна со италијански вина.
Главната вила располага со девет спални – десеттата спална соба е резервирана за ексклузивна употреба од страна на Стинг и Стајлер, а има и пет гостински куќи.
Се работи за имотот Ил Палаџо во Тоскана од 16-тиот век, каде Стинг почна и со производство на вино на сопствениот лозов насад. На почетокот музичарот произведувал вино само за сопствени потреби, меѓутоа подоцна започнал и со производство на поголеми количини и извоз.
Сега оваа вила е достапна за наем за сите туристи кои можат да си дозволат да ја изнајмат. Такво задоволство чини околу 7.000 евра неделно за шесте објекти во кои може да се сместат 50 гости. До 200 луѓе може да уживаат во раскошниот италијански имот кој има базен, шума и езеро.
Во понудата е вклучена и дегустација на вина од приватната винарија, а на гостите достапно им е и послужено јадење во ресторанот со италијанска храна, користење на базенот и прошетка во прекрасната градина дизајнирана во класичен италијански стил.
Стинг оваа вила ја купил во 1999 година и целосно ја реновирал, а подоцна купува и дополнително земјиште. Музичарот во една прилика изјавил дека најпрво се заљубил во куќата, а лозјето било на второ место, додавајќи дека имотот го купил за „две-три песни“.
Стинг сметал дека виното од неговиот имот не е доволно добри, па направил многу промени, со цел да направи нешто уникатно. Сакал да направи, како што рекол тој, препoзнатливо вино коешто има добар почеток, средина и крај.
– Сакавме виното да ја рефлектира магијата на местото, затоа што, знаете, тука правам музика и тоа е инспиративно место – рекол Стинг.
Дури и со неговиот музички ангажман, тој секогаш наоѓа време за својот имот во Тоскана, којшто го смета и за свето место и за дом. На прашање дали очекува профит од инвестицијата, тој на шега изјавил дека не е толку наивен, но дека се надева дека ќе ги покрива трошоците.
– Музиката е таа што ги плаќа сметките – рекол музичарот.
На имотот се произведува и мед и маслиново масло.