Рајан Рејнолдс ја продава својата мобилна мрежа за 1 милијарда долари, новиот сопственик ќе стане „Ти-мобајл“
Актерот Рајан Рејнолдс е сопственик на четвртина од мобилната мрежа „Минт мобајл“, а сега таа ќе биде продадена на германскиот мобилен оператор „Ти-мобајл“ за неверојатна сума од 1,35 милијарди долари.
Како што пишува „Блумберг“, актерот поседува приближно 25 отсто од компанијата, а по продажбата на мрежата ќе продолжи да работи за неа како нејзин портпарол.
„’Минт мобајл’ е најдобрата понуда во безжичната технологија и денешните вести само ја зголемуваат нашата способност да им ги испорачаме услугите на нашите корисници. Среќни сме што ‘Ти-мобајл’ ја победи агресивната понуда на мојата мајка Тами Рејнолдс во последен момент. Веруваме дека извонредноста на нивната 5G мрежа стратешки подобро ќе се вклопи од натпросечните вештини за маџонг (кинеска игра) на мајка ми. Горд сум на целиот тим на ‘Минт’ и возбуден сум за она што следува“, рече Рејнолдс во неговото видео на Твитер.
I only want the best for Mint Mobile customers. Think I’ve found it. pic.twitter.com/nSNmGKLmN2
— Ryan Reynolds (@VancityReynolds) March 15, 2023
Мобилната мрежа „Минт мобајл“ е формирана во 2016 година, а нејзини основачи се Дејвид Гликман и Ризван Касим. Актерот Рејнолдс купи дел од компанијата во 2019 година.